أسوار كتير قدام عنينا ،بتعلي وبتملانا خوف ..
علشان نعيش وعنينا مش قادرة تشوف
علشان يموت الحلم ،ويجف الأمل ..
ونلاقي روحنا في الطريق ،آخر الصفوف
بس إحنا نقدر ،ننتفض ونثور ..
وبعزمنا هنعدي مليون سور
نقف نقاوم ،عمرنا ما نهون ..
نرفع شعار قاوم يا صاحبي تكون
قاوم في نفسك ،ضعفها وهواها ..
وأوعاك لسورها يحبسك جواها
قول ألف لأ ،ولو بصوت الأها ..
واتخطي سورها ،بص شوف النور
إكسر قيود المجتمع حواليك ..
ليه تبقي تابع ،والقرار في ايديك
خليك إيجابي واعمل اللي عليك ..
وبدل ما تلعن ضلمتك ،النور
كلمة مقاومة مش شعار ،دي شراع ..
مركب تخدنا لحقنا ،اللي ضاع
قاوم عدوك ،رجّع اللي اتباع ..
واوعاك تخاف ،وتقول هعيش مستور
بس إحنا نقدر ،ننتفض ونثور ..
وبعزمنا هنعدي مليون سور
نقف نقاوم ،عمرنا ما نهون ..
نرفع شعار قاوم يا صاحبي تكون
طلاب جامعة القاهرة
يوليو 26, 2008 عند 11:43 م
طول مافيه إصرار من الأنسان على تحقيق أماله لا بد يعمل و يجد ويتخطى كل الأسوار ويحطم كل العقبات لحد ما يوصل لآخر المشوار .
أما النتائج فهى على الله وربنا مبيضيعش تعب المجدين وجهد المجاهدين .