جدد حياتك

أول نجاحك توبة خالصة لربنا ..

دا ذنوبنا هي سبب فشلنا وذلنا ..

متقولش أصل الدنيا ضلمة في وسطنا ..

نوّر في قلبك شمعة نورها يضمنا

من صرخة الآه ..

ابتدي من عندها ..

من دمعتك فجّر طاقاتك كلها ..

دا في صرختك .. مارد هيطلع منّها ..

جدد حياتك .. يالا إنتا قدها

طعم النجاح لو دقته مش هتصدقه ..

عايز تجرب ،حط حلم وحققه ..

لحظة سعادتك ،لما تجي تبدأه ..

سر النجاح إن انت لازم ،تخلقه

نقطة نجاحك إنت عارف سرها ..

نميها ،كبرها ،وعيش من أجلها ..

صمم تكمّل كل خطو بدأتها ..

فك القيود واتأكد إنك قدها

متقولش بكرة ،خد قرارك وقتها ..

تضمن منين ،يوم من حياتك بعدها ..

ناجحين كتير سبقوك بيهتف قلبهم ..

دي أمتك ،رجّع معانا مجدها

من صرخة الآه ..

ابتدي من عندها ..

من دمعتك فجّر طاقاتك كلها

دا في صرختك .. مارد هيطلع منّها

جدد حياتك .. يالا إنتا قدها

طلاب جامعة القاهرة

استمع للأغنية